Måndagen gav oss det siste programmet i serien ‘Hjernevask’ og denne episoden skulle oppsummere det meste. Også denne gongen var det spesielt kjønnsforskarane som fekk gjennomgå. Nok ein gong klarte spesielt Bolsø og Lorentzen å framstå utan evne til å ha to tankar i hovudet samtidig. Bolsø fordi ho var såpass provosert av Eias utspørjing at ho hadde vorte rasande og Lorentzen fordi han var så skråsikker. Alt dette var sjølvsagt godt hjelpt av NRKs redigering, men Lorentzens kronikk i Aftenposten etter programmet bidrog ikkje heilt til å gjenopprette biletet.

Tittelen på programmet var ‘Født sånn er blitt sånn’ som også er tittelen på boka frå serien. Rosinen i pølsa var Viktor som tidlegare heitte Viktoria og hadde vorte fødd med usikkert kjønn, såkalla intersex, i 1986. Han/ho hadde vorte operert tidlegare og vorte vedtatt å bli til kvinne og dette var med grunnlag i ein teori om at kjønnsidentiteten festar seg i laupet av dei første to åra. Denne tåredryppande historien som er eit spørsmål om medisinsk feilbehandling, blir då brukt for alt det er verdt i forhold til kjønnsforskarane som aldri har vore inne i biletet. Fordi dei har eit avvikande syn, så blir dei den store stygge ulven som er moralsk ansvarlege for denne behandlinga. Merkverdig og fullstendig villeiande. Les mer »