Se eller les Auduns inkluderingstale
http://www.sv.no/Forside/Siste-nytt/Nyhetsarkiv/Et-tredje-standpunkt

Situasjonen er desverre ikkje noko betre i det landet underskrivne er i no – Frankrike. Her er religiøse uttrykk forbudt i offentleg skule (les: hijab) i namnet til skiljet mellom stat og religion (her omtalt som laïcité). Staten har ikkje noko med religion å gjere, men er ikkje konsekvent: Staten nasjonaliserte dei katolske kyrkjebygga i 1905, held dei vedlike og lar kyrkjelydane bruke dei. Andre religiøse samfunn er ikkje så heldige.

Hijab er likevel oppskrifta på bråk. Det skal snart vere regionalval og i ein av dei sør-franske regionane stiller Ilham Moussaïd som kandidat for Nouveau Parti Anticapitaliste. Ho brukar hijab og dette har ført til sterke protestar som brot på republikkens laïcité. Ein kandidat bør ikkje bære religiøse symbol. Kvinneorganisasjonen ‘Ni putes, ni soumises’ (Verken horer eller underkasta) som kjempar for innvandrarkvinnenes rettar har anmeldt saka!

Alt dette er jo sjølvsagt berre eit røykteppe som gjer at folk ikkje engasjerer seg i dei viktige sakene. Samtidig er det sånn at om ein kandidat stiller med kors, kippa eller dei ortodokse jødanes hatt og frakk, så får du neppe dei same reaksjon som med hijab.

Ikkje lenge etter valet er det påske i den sekulære republikken Frankrike med andre påskedag som offentleg fridag…